Atyraýda zeınetaqy qarajatyn zańsyz aınaldyrý deregine qatysty aýqymdy operatsııa bastaldy
ATYRAÝ. KAZINFORM — Atyraýda Qarjylyq monıtorıng agenttiginiń (QMA) qyzmetkerleri zeınetaqy jınaqtaryn stomatologııalyq klınıkalar arqyly zańsyz qolma-qol aqshaǵa aınaldyrý deregine baılanysty aýqymdy operatsııa júrgizip jatyr.
Redaktsııaǵa belgili bolǵandaı, qalaǵa elimizdiń ártúrli óńirinen QMA qyzmetkerleri barǵan. Olar birneshe nysanda tintý júrgizip, qolma-qol aqsha, avtokólikter men qujattardy tárkiledi.
Kazinform agenttiginiń quqyq qorǵaý organdaryndaǵy derekkózderiniń málimetinshe, ustalǵandar arasynda stomatologııalyq klınıkalardyń basshylary ǵana emes, keńse qyzmetkerleri, býhgalterler men deldaldar da bar.
Buǵan deıin 2021 men 2025 jyl aralyǵynda Otbasy bankiniń enpf-otbasy.kz platformasy arqyly tek «Stomatologııalyq qyzmetter» baǵyty boıynsha 757 mlrd teńgege 795 424 tranzaktsııa jasalǵanyn jazǵanbyz.
Tekserý kezinde jalǵan anyqtamalar men qujattar tapsyrylǵany da belgili boldy. Bul — zeınetaqy qarajatynyń maqsatsyz jumsalǵanyn aıǵaqtaıdy.
Sonymen qatar Atyraýda urlyq pen alaıaqtyq jıi tirkeletinin jazǵanbyz.