Atyraýda zańsyz qumar oıynǵa aqsha qabyldaǵan kassırge 738 myń aıyppul salyndy

ATYRAÝ. KAZINFORM – Atyraý oblysynda býkmekerlik keńseniń kassıri zańsyz qumar oıynǵa ruqsatsyz aqsha qabyldaǵan. Sot qaýlysymen kassırge 738 myń aıyppul salyndy

Qurmanǵazy aýdandyq sotynyń málimetine súıensek, kassır N. býkmekerlik keńsede kassıri 2023 jyldyń jeltoqsanynan 2024 jylǵy naýryzǵa deıin jumys jasaǵan. Sol kezde qumar oıynǵa ruqsatsyz stavka qabyldaǵan. 

– Býkmekerlik keńseniń kassıri N.-ǵa qatysty QR Ákimshilik quqyq buzýshylyq týraly kodeksiniń 444-babynyń 1-bóligimen qaraldy. N.-nyń kinási óziniń moıyndaý jaýabymen, ákimshilik quqyq buzýshylyq týraly hattamamen, saýal qoıý hattamasymen jáne basqa da is qujattarymen dáleldendi. Sot qaýlysymen kassır ákimshilik quqyq buzýshylyq jasaǵany úshin kináli dep tanyldy. Oǵan 738 myń 400 teńge ákimshilik aıyppul salyndy, - dep habarlady aýdandyq sottan.

Sot qaýlysy zańdy kúshine endi. 

Eske sala ketelik, budan buryn Atyraýda alıment tólemeı júrgender qumar oıynǵa qyrýar qarjy aýdarǵanyn habarlaǵan bolatynbyz.