Atyraýda iz-túzsiz joǵalǵan 11 jasar jasóspirim shatyrda túnep júrgen

ATYRAÝ. KAZINFORM – Atyraýda 11 jasar jasóspirim joǵalyp ketken edi. Jergilikti polıtseıler men eriktiler jasóspirimdi birneshe kún izdedi.

Búgin Atyraý oblystyq polıtsııa departamentiniń baspasóz qyzmeti habar-osharsyz ketken jasóspirimniń tabylǵanyn rastady.

– Jasóspirimniń joǵalýyna ne sebep bolǵany tekserilip jatyr. Óziniń aıtýynsha, shatyrda túnegen, - dep málim etti departamenttiń baspasóz qyzmeti. 

Mektep oqýshysynyń úıine nendeı sebeppen oralmaǵany ázirge belgisiz. Onyń birneshe kún shatyrda túnegeni ras pa? Bul saýaldar tergeý barysynda anyqtalady. 

Eske sala ketelik, keshe Atyraýda 3 kún buryn joǵalǵan 11 jasar jasóspirim izdestirilip jatqanyn habarlaǵan bolatynbyz. 

Mektep oqýshysy Jasulan Nazarchýk 20 jeltoqsanda kúndizgi saǵat 10:35-te úıinen shyqqany anyqtalǵan. Dúkennen sút satyp ákelýge shyǵyp, úıine keri oralmaǵan.