Atyraýda volonterler 50 jemis aǵashynyń kóshetin ekti
ATYRAÝ. KAZINFORM — «Bul meniń aǵashym». Eriktiler «Taza Qazaqstan» ekologııalyq baǵdarlamasyn qoldap, «Biz tańdaǵan jol» jobasy aıasynda ıgi bastamaǵa atsalysty. Іs-sharaǵa 40 qa jýyq adam qatysty. Bul týraly Óńirlik kommýnıkatsııalar qyzmeti habarlady.
Olar Kámeletke tolmaǵandardy beıimdeý ortalyǵynyń aýmaǵyna 50 jemis aǵashynyń kóshetin otyrǵyzdy. Sonymen qatar aýmaqty tazalaý, abattandyrý jáne kógaldandyrý jumystaryna atsalysty.
Ekologııalyq aktsııany Atyraý oblysy Іshki saıasat basqarmasynyń «Azamattyq ortalyq» KMM jáne «Atyraý oblysynyń Jastar resýrstyq ortalyǵy» KMM uıymdastyrdy.
— Maqsatymyz — qorshaǵan ortany kógaldandyrý, jastar arasynda ekologııalyq mádenıetti qalyptastyrý, tabıǵatqa degen jaýapkershilikti arttyrý jáne týǵan ólkeniń kórkeıýine úles qosýǵa shaqyrý. Jastardyń mundaı bastamalarǵa belsendi qatysyp júrgeni qýantady. Árbir otyrǵyzylǵan kóshet — tabıǵatqa degen janashyrlyq pen týǵan jerge degen jaýapkershiliktiń kórinisi, — dedi «Azamattyq ortalyq» KMM-niń bólim basshysy Ásemgúl Asqarqyzy.
Ekologııalyq bastama jastardyń qoǵamdyq belsendiligin arttyryp, qorshaǵan ortany qorǵaýǵa jáne týǵan ólkeni kórkeıtýge degen jaýapkershilikti nyǵaıtýǵa baǵyttaldy.
