Atyraýda úı-kúısiz qalǵan jandarǵa arnalǵan ortalyq ashyldy

Jańadan salynǵan úsh qabatty ortalyq Leshoz yqshamaýdanynda baspanasyz júrgenderdi qabyldaıdy, dep habarlaıdy Kazinform.

Ǵımaratta turýshylarǵa barlyq jaǵdaı jasalǵan: lıft, dýsh, demalys bólmesi, jıhazdalǵan bólmeler bar.

«Buǵan deıin baspanasyzdarǵa arnalǵan ortalyq 1977 jyly salynǵan bir qabatty ǵımaratta ornalasqan bolatyn. 2010 jyly ǵımarat qaýipti dep tanylyp, byltyr buzyldy.

Jańa ortalyq 70 orynǵa eseptelgen. Birinshi qabatta adamdar túneıtin bólmeler bar. Ortalyq qyzmetkerleri olardy tósek-oryn jıyntyǵymen, qajet bolǵan jaǵdaıda taza kıim-keshekpen qamtamasyz etedi. Olar jýynyp-shaıyna da alady», — dep jazdy «Aq Jaıyq» basylymy.