Atyraýda ústine qaqpa qulaǵan 9 jastaǵy qyzdyń jaǵdaıy aýyr

ATYRAÝ. KAZINFORM – Atyraýda 9 jasar qyzdyń ústine qaqpa qulady. Jaraqat alǵan qyz bala oblystyq balalar aýrýhanasynda jatyr. 

Atyraý oblystyq densaýlyq saqtaý basqarmasy baspasóz qyzmetiniń aqparatyna qaraǵanda, oqıǵa 8 qazanda bolǵan.

«Aýrýhanaǵa kúndizgi saǵat 15:20-da jaraqat alǵan 2015 jylǵy qyz tústi. Patsıent basynan aýyr jaraqat alǵan. Qazir aýrýhananyń jansaqtaý bóliminda jatyr. Jasandy tynys alý apparatyna qosylǵan naýqastyń jaǵdaıy aýyr», - dep habarlady basqarmanyń baspasóz qyzmeti. 

Al, oblystyq polıtsııa departamentiniń baspasóz qyzmeti atalǵan derekke baılanysty tergeý júrip jatqanyn habarlady.

«Atyraý qalalyq polıtsııa basqarmasynyń qyzmetkerleri 8 qazan kúni tirkelgen oqıǵaǵa baılanysty qylmystyq is qozǵady. Qazir keshendi tergeý amaldary júrgizilip jatyr. Ózge aqparat tergeý múddesine sáıkes jarııalaýǵa jatpaıdy», - dep málim etti departamenttiń baspasóz qyzmeti.

Eske sala ketelik, budan buryn Atyraýda joǵarǵy qabattan qulaǵan 2 jasar bala jansaqtaý bólimine túskenin habarlaǵan edik.