Atyraýda úsh jyl bos turǵan polıtsııa ǵımaratyna 2,4 mlrd teńge jumsalady
ATYRAÝ. KAZINFORM – Úsh jyldan astam ýaqyt boıy bos turyp, tozǵan Atyraý oblystyq polıtsııa departamentiniń burynǵy ǵımaraty qaıta jańǵyrtylmaq. Nysandy jóndeýge jáne oǵan qosymsha ǵımarattar salýǵa 2,4 mlrd teńgege jýyq qarjy qarastyrylyp otyr.
Departamenttiń ǵımaraty 3 jyldan asa ýaqyt qańyrap bos turdy. Osy ýaqyt aralaǵynda nysan suryqsyz kúıge túsken.
Óıtkeni quqyq qorǵaý organy 2023 jyldyń mamyr aıynda Nursaıa yqshamaýdanyna salynǵan jańa nysanǵa kóshken edi.
Atyraý oblystyq ákimdiginiń málimetinshe, ǵımarat qurylys basqarmasynyń tapsyrysymen jańǵyrtylyp jatyr. Merdiger jumysqa qazan aıynda kirisken.
Qurylys basqarmasynyń aqparatyna súıensek, 5 qabatty eski ǵımarat jańartylyp qana qoımaıdy. Onyń qasyna 4 jeńil avtokólikke arnalǵan kólikjaıy bar sportzal jáne azamattardy qabyldaý ǵımaraty salynady. Óıtkeni, bul nysan bolashaqta Atyraý qalasynyń polıtsııa basqarmasyna berilmek.
- Qurylys aýmaǵynda buzý jumysy aıaqtalyp, eden tegistelip jatyr. Jobanyń jalpy quny – 2 mlrd 381 mln teńge. Qurylys aýmaǵy – 1733,83 sharshy metr. Bas merdiger - «ARSM» JShS, - delingen basqarmanyń jaýabynda.
Ákimdik bul jobany 2027 jyldyń shildesinde aıaqtaýdy josparlap otyr.
Buǵan deıin Atyraýda jarylǵan elektr baǵanalaryn aýystyrý jumysy sozylyp ketkenin jazǵan edik.
