Atyraýda úsh kúnde 800-ge jýyq quqyq buzýshylyq anyqtaldy

ATYRAÝ. KAZINFORM —  Atyraý qalasynda 18-20 naýryz aralyǵynda qoǵamdyq tártipti saqtaý, quqyq buzýshylyqtardyń aldyn alý jáne olardyń jolyn kesý maqsatynda «Quqyqtyq tártip» jedel-profılaktıkalyq is-sharasy ótkizildi.

Polisia.kz-tiń málimetinshe is-shara barysynda otbasy-turmystyq qatynastar aıasyndaǵy qylmystardyń aldyn alý jáne olardyń jolyn kesý basty nazarǵa alyndy.

Atyraý qalasy polıtsııa basqarmasynyń qyzmetkerleri úsh kún ishinde profılaktıkalyq esepte turǵan 538 azamatty turǵylyqty jeri boıynsha tekserip, barlyǵy 800-ge jýyq quqyq buzýshylyq deregin anyqtady.

Atap aıtqanda:

Otbasy-turmystyq qatynastar aıasyndaǵy quqyqqa qarsy áreketterdiń – 37;

Alkogoldik ishimdikter ishý nemese qoǵamdyq oryndarǵa masań kúıde kelýdiń – 50;

Kámeletke tolmaǵandardyń túngi mezgilde zańdy ókilinsiz turǵynjaıdan tys nemese oıyn-saýyq oryndarynda bolýynyń – 66;

Qoǵamdyq oryndarda tıisýdiń – 31;

Tynyshtyqty buzýdyń – 29;

Kámeletke tolmaǵandy tárbıeleý jáne oǵan bilim berý boıynsha – 12;

Usaq buzaqylyqtyń – 11;

Qazaqstan Respýblıkasynda tirkeýsiz nemese jeke basyn kýálandyratyn qujatsyz júrgen – 51;

Ortaq paıdalanylatyn oryndardy lastaýdyń – 75 deregi tirkeldi. 

Aıta ketelik Dınara Zákıeva kún saıyn kámeletke tolmaǵandar arasynda shamamen 5 qylmys jasalatyny týraly aıtqan edi.