Atyraýda úsh adam gazdan ýlanyp kóz jumdy
ATYRAÝ. KAZINFORM — Atyraý qalasyndaǵy turǵyn úılerdiń birinde úsh adam gazdan ýlanyp, qaıtys boldy. Bul jóninde oblystyq TJD habarlady.
Oqıǵa Atyraý qalasyna qarasty Tomarly aýylynda bolǵan.
— Úıde 1958 jyly týǵan erli-zaıypty jáne 1953 jyly týǵan er adam bolǵan. Úsheýi de oqıǵa ornynda kóz jumdy. Aldyn ala boljam boıynsha, qaıǵyly jaǵdaıǵa tabıǵı gazben jumys isteıtin jylytý peshin paıdalaný talaptarynyń buzylýy sebep bolýy múmkin. Qazirgi ýaqytta ólimniń naqty sebebin anyqtaý maqsatynda Polıtsııa departamenti qyzmetkerlerimen sot-medıtsınalyq saraptama taǵaıyndaldy. Atyraý oblysy TJD azamattardy gaz qondyrǵylaryn paıdalaný kezinde qaýipsizdik talaptaryn qatań saqtaýǵa shaqyrady, — dep málimdedi oblystyq TJD.
Osyǵan deıin Atyraýda «Dına» saýda ortalyǵyndaǵy órt sóndirilgenin habarlaǵan edik.