Atyraýda tutynýshylarǵa birneshe kún qatarynan ystyq sý berý ýaqytsha toqtatylady
ATYRAÝ. KAZINFORM – Atyraý qalasynda 17-19 sáýir aralyǵynda ystyq berý ýaqytsha toqtatylatyn boldy.
Atyraý oblysy energetıkalyq kesheniniń baspasóz qyzmetinen málim etkendeı, «Atyraý jylý júıeleri» AQ atalǵan kúnderi magıstraldy jáne jylý taratý jelilerinde gıdravlıkalyq synaq júrgizýdi josparlap otyr.
– Bul kúnderi tutynýshylarǵa ystyq sý berý ýaqytsha toqtatylady. Osyǵan baılanysty qaýipsizdikti saqtaýǵa shaqyramyz. Jazataıym oqıǵalardyń saldarynan bolýy yqtımal mehanıkalyq jaraqattardyń aldyn alý úshin synaq ótkiziletin kezeńde jylý qubyrlaryna 10 metrden kem qashyqtyqta jaqyndamaý qajet. Turǵyndardan qaýipti aýmaqta balalardy, úı janýarlaryn, avtokólikti jáne basqa da jeke zattardy qaraýsyz qaldyrmaýdy suraımyz. Qubyrdyń jarylǵanyn, sýdyń aǵyp jatqanyn baıqasańyz, dereý habarlaǵan jón, - dep habarlady energetıkalyq keshenniń baspasóz qyzmeti.
Eske sala ketelik, buǵan deıin Atyraýda 8-9 sáýirde jylý jelilerinde temperatýra parametri kóteriletinin habarlaǵan bolatynbyz.