Atyraýda turmystyq qaldyqqa toly páterden eki bala tabyldy

ATYRAÝ. KAZINFORM – Atyraý qalasynda kópqabatty úıdiń turǵyndary kórshi páterden shyqqan jaǵymsyz ıis pen sanıtarlyq jaǵdaıdyń nasharlyǵyna alańdap, polıtsııaǵa habar bergen.

Tekserý barysynda polıtseıler páterdiń turmystyq qaldyqtarǵa tolyp, sanıtarlyq talaptarǵa múlde saı kelmeıtinin anyqtaǵan. Turǵyn úı ishinde eki kámeletke tolmaǵan bala bolǵan.

Vedomstvo málimetinshe, balalar qolaısyz otbasydan alynyp, polıtsııanyń baqylaýyna qoıyldy. Olardy ýaqytsha beıimdeý ortalyǵyna ornalastyrý úshin tıisti memlekettik organdarmen birlesken sharalar qabyldanyp jatyr.

- Kámeletke tolmaǵan balalarǵa qolaıly turmys jaǵdaıyn qamtamasyz etpegen ata-analar ákimshilik jaýapkershilikke tartylatyn bolady. Materıaldar kámeletke tolmaǵandardyń isteri jáne olardyń quqyqtaryn qorǵaý jónindegi komıssııaǵa joldandy, – dep habarlady oblystyq polıtsııa departamentinen.

Qazirgi ýaqytta tıisti kommýnaldyq qyzmetter páterde sanıtarlyq tazalaý jumystaryn júrgizip, otbasynyń turmystyq jaǵdaıyn baǵalaýda.

Buǵan deıin qamqorlyqsyz qalǵan balalar statsıonarlarǵa ýaqytsha ornalastyrylatynyn jazǵanbyz.