Atyraýda túrmedegi órt kezinde ıis tıgen sottalýshylardyń jaǵdaıy qalaı

ATYRAÝ.KAZINFORM – 24 qańtar kúni Atyraý qalasyndaǵy erlerge arnalǵan túrmede bolǵan órtten eki sottalýshy zardap shekken. Anyǵyn aıtqanda, jazasyn ótep jatqan eki adam kómirqyshqyl gazyna ýlanyp qalǵan.

Atyraý oblysy boıynsha QAJD bastyǵynyń orynbasary Ámir Dosqalıevtyń aıtýynsha, olarǵa medıtsınalyq kómek dereý kórsetilgen. Ómirine qaýip joq. Jaǵdaıy jaqsy.

TJD málimetinshe, oqıǵa ornyna qutqarýshylar men tehnıkalar jedel jetkende eki qabatty ǵımarattyń shatyry órtenip jatqany belgili bolǵan. Órt shyqqan sátte ǵımarattaǵy adamdar keshki serýende bolǵan, ıaǵnı, adamdardy evakýatsııalaý qajettiligi týyndaǵan joq. Sol sebepti jaraqat alǵandar joq. Qazir órttiń shyǵý sebebi anyqtalyp jatyr. 

- Órt sol kúni tolyǵymen aýyzdyqtaldy. Jazasyn óteýshilerdiń barlyǵy basqa bólimderge ornalastyrylǵan bolatyn. Ornyna qaıtaryp jatyrmyz. Zardap shekkender joq. Órttiń shyǵý sebbei anyqtalyp jatyr, - dedi Ámir Dosqalıev.

Atyraý oblysy boıynsha qylmystyq atqarý júıesi departamentini qyzmetkerleriniń sózinshe, aldyn ala boljam boıynsha órtke toqtaǵy qysqa tuıyqtalýy sebep bolýy múmkin.

Osyǵan deıin Aqsaı qalasynda turǵyn úıdegi órtten úsh adam kóz jumǵanyn jazǵan edik.