Atyraýda turǵynnan 2,5 mln teńge bopsalaǵan kúdikti ustaldy
ASTANA. KAZINFORM — Atyraý oblysy polıtsııa departamentiniń ekstremızmge qarsy is-qımyl basqarmasy jedel-izdestirý is-sharasy kezinde 35 jastaǵy er adamdy ustady.
Polıtsııanyń habarlaýynsha, kúdikti — 2,5 mln teńge kóleminde aqsha bopsalaǵan Inder aýdanynyń 35 jastaǵy turǵyny.
Tintý barysynda kúdiktiden bopsalaý kezinde alynǵan 2,2 mln teńge tabylyp, tárkilendi.
— Qazirgi ýaqytta atalǵan derek boıynsha sotqa deıingi tergep-tekserý júrgizilip jatyr. Ózge aqparat Qylmystyq-protsestik kodekstiń 201-babyna sáıkes jarııalanýǵa jatpaıdy, — dep habarlady Іshki ister mınıstrligi.
Polıtsııa azamattardy zańsyz talaptarǵa kónbeýge jáne qorqytyp alý derekteri bolǵan jaǵdaıda dereý polıtsııaǵa habarlaýǵa úndedi.
Eske salaıyq, buǵan deıin Aqtóbede bopsalaý jáne tonaýmen aınalysqan 7 kúdikti ustalǵanyn habarlaǵan edik.
