Atyraýda turǵyndarǵa jer telimin berý ýaqytsha toqtatyldy
ATYRAÝ. KAZINFORM – Atyraý qalasyna qarasty Keńózek aýyldyq okrýgindegi Qaınar turǵyn úı alabynan jer telimin berý ýaqytsha toqtatyldy. Sebep – jeke turǵyn úı qurylysyn salý úshin daıyndalǵan jer ýchaskelerindegi ınjenerlik jelilerdi urlaý dereginiń aldyn-alý.
Atyraý qalasy ákimdigi baspasóz qyzmetiniń málimetinshe, jer telimin alý kezeginde 30 myńnyń shamasynda ótinish tirkelgen.
– Ákimdik tarapynan Atyraý qalalyq máslıhaty turaqty komıssııasynyń 2024 jylǵy 11 qyrkúıektegi jıynynda «2007 jyly jer kezegine turǵan azamattarǵa Qaınar turǵyn úı alabynan jer ýchaskelerin berý» týraly usynys jasalǵan edi. Usynys maquldanyp, 2024 jyldyń 1 qazanynan bıylǵy 12 naýryzǵa deıin atalǵan turǵyn úı alabyndaǵy 530 jer ýchaskesi turǵyndarǵa tolyǵymen tabystaldy. Jer ýchaskesin alǵan azamattar 2007 jyly jer alý kezegine turǵan, - dep habarlady ákimdiktiń baspasóz qyzmeti.
Ákimdiktiń deregine qaraǵanda, 13 naýryzdan beri jeri telimin berý ýaqytsha toqtatylǵan.
– Atyraý qalasynyń ákimdigi 2025 jyldyń 13 naýryzynan bastap 2007 jyly jer kezegine turǵan azamattarǵa jer ýchaskelerin tabystaý jumystarynyń ýaqytsha toqtatyldy. Aldaǵy ýaqytta basqa da turǵyn úı alaby daıyn bolyp, ınjenerlik jelileri tolyq júrgizilgennen keıin jer ýchaskelerin tabystaý jumysy qaıta jalǵasatyndyǵyn habarlaımyz, - dep málim etti ákimdiktiń baspasóz qyzmetinen.
Eske sala ketelik, buǵan deıin Atyraýda 11 jyldan beri paıdalanylmaǵan jeri telimi májbúrlep alynatynyn jazǵan edik.