Atyraýda turǵyn úıge terezeden kirgen kúdikti 10,3 mln teńgeniń altynyn urlaǵan

ATYRAÝ. KAZINFORM – Atyraýda kúdikti turǵyn úıge terezeden kirip, 10,3 mln teńgeniń altyn buıymdaryn urlap ketken.

Atyraý oblystyq polıtsııa departamentiniń baspasóz qyzmetinen málim etkendeı, 35 jastaǵy jigit urlyq jasaý úshin turǵyn úıdiń terezesinen kirgen.

– Polıtsııa qyzmetkerleri Atyraý qalasyndaǵy turǵyn úıdiń plastıkalyq terezesin yǵystyrý tásilimen ashyp, 10,3 mln teńgeniń altyn buıymdaryn urlaǵan kúdiktini ustaldy. Tekserý kezinde kúdiktiniń urlaǵan altyn buıymdardy qala aýmaǵynda ornalasqan lombard mekemelerine tapsyrǵany anyqtaldy. Jábirlenýshi lombard mekemelerinen zattaı dálel retinde alynǵan 7 dana altyn buıymnyń ózine tıesili ekenin rastady, -dep habarlady departamenttiń baspasóz qyzmeti.

Qazir atalǵan derekke qatysty keshendi tergeý amaldary bastaldy. Sotqa deıingi tergeýdi Atyraý qalalyq polıtsııa basqarmasynyń №2 polıtsııa bóliminiń qyzmetkerleri qolǵa aldy.

Eske sala ketelik, buǵan deıin Atyraýda 331 qylmysty ashýǵa kóshe kamerasynyń kómegi tıgenin habarlaǵan bolatynbyz.