Atyraýda turǵyn úıde gaz jarylyp, kúıik shalǵan er adam qaıtys boldy
Keshe Atyraýda turǵyn úıde gaz jarylyp, kúıik shalǵan 5 adam aýrýhanaǵa túsken edi. Búgin zardap shekkenderdiń bireýi jansaqtaý bóliminde qaıtys boldy, dep habarlaıdy Kazinform.
Atyraý oblystyq Densaýlyq saqtaý basqarmasynyń baspasóz qyzmetinen málim etkendeı, 2 qańtarda órtten zardap shekken 5 adam aýrýhanaǵa jetkizilgen.
«Onyń ishinde úsh eresek adam oblystyq, al eki jasóspirim balalar aýrýhanasynyń jansaqtaý bólimine tústi. Báriniń jaǵdaıy aýyr dep baǵalandy. Búgin, 3 qańtarda 1965 jyly týǵan er adam aýrýhanada qaıtys boldy. Qalǵan naýqastardyń jaǵdaıy áli de aýyr deńgeıde qalyp otyr. Naýqastar aýrýhanalardyń jansaqtaý bóliminde jatyr. Dárigerler naýqastardyń jaǵdaıyn baqylaýǵa alyp, barlyq em-dom sharasy júrgizip jatyr», - dep habarlady basqarmanyń baspasóz qyzmeti.
Eske sala ketelik, budan buryn Atyraýda turǵyn úıde gaz jarylyp, 5 adamdy kúıik shalǵanyn habarlaǵan bolatynbyz.
Órt Atyraý qalasynyń mańyndaǵy Kókarna aýylynda bolǵan. Turǵyn úıde gaz-aýa qospasynyń dúmpýinen jarylys bolǵan. Jarylys saldarynan turǵyn úıdiń 9 sharshy metr qabyrǵasy qulap, 140 sharshy metr alańy janyp ketken.
