Atyraýda tún ortasynda toptyq tóbeleske qatysqan 3 adam ustaldy
Atyraý qalasyndaǵy Saltanat saraıynyń mańynda bir top jas janjaldasqan. Tóbeleske qatysqan úsh adam ustaldy, dep habarlaıdy Kazinform.
Áleýmettik jeli men Whatsapp messendjerinde jastardyń toptyq tóbelesi týraly vıdeo tarady. Tóbeles tún ortasynda Saltanat saraıy ǵımaratynyń aldynda bolǵan.
«Atyraý qalasyndaǵy Saltanat saraıy aldyndaǵy janjaldyń beınejazbasy tarady. Atyraý oblysynyń polıtsııa departamenti osy derekke baılanysty tekserýdi bastady. Qazir 3 adam ustaldy. Olar polıtsııa organyna jetkizildi. Ózge qatysýshylardyń jeke basy anyqtalady», -dep habarlady oblys ákiminiń orynbasary Jasulan Bısembıev.
Onyń aıtýynsha, zardap shekkender men medıtsınalyq kómekke júgingender tirkelmegen.
Polıtsııa departamentiniń baspasóz qyzmeti jastar arasyndaǵy tóbeleske qatysty pikir bildirgen joq
Eske sala ketelik, buǵan deıin Qulsary qalasyndaǵy toptyq tóbeleske baılanysty 23 adam ustalǵanyn jazǵan edik.
Qulsary qalasyndaǵy kópqabatty úıdiń janynda bir top adam tóbelesken. Jergilikti polıtseıler barlyq qatysýshyny ustady. Aýdandyq polıtsııa bólimine tóbeleske qatysy bar 23 adam jetkizildi. Onyń ishinde 8 jasóspirim bolǵan.
