Atyraýda traktordyń qoqys tıelgen tirkemesinde jumysshylar otyr
ATYRAÝ. KAZINFORM – Atyraýda turmystyq qaldyqtardy tasymaldap bara jatqan traktor tirkemesinde jumysshylar otyr.
Munyń sýreti týraly áleýmettik jelide júkteldi.
«Spetsavtobaza» JShS baspasóz qyzmeti jumysshylardyń qoqys tıelgen tirkemede otyrǵanyn rastady.
– Mekemege jol jumysshylary jumysqa qabyldaný kezinde eńbek qaýipsizdigi týraly erejemen tanystyrylady. Onyń ishinde Atyraý qalasynyń aýmaǵynda turmystyq qaldyqtar tıelgen kóliktermen jumysshylardy tasymaldaýǵa bolmaıtyny esertiledi. Atalǵan jaıtqa baılanysty tirkemede otyrǵan jumysshylarǵa, traktor aıdaǵan mehanızatorǵa eńbek kaýipsizdigin buzǵany úshin shara qoldanyldy. Mekeme tarpynan qaýipsizdik erejeleri kúsheıtildi, - dep habarlady baspasóz qyzmeti.
Eske sala ketelik, budan buryn Atyraý oblysynda jolǵa burǵylaý qaldyǵy tógilgenin habarlaǵan bolatynbyz.