Atyraýda tozyǵy jetken 66 shaqyrym elektr jelisi jańartyldy

ATYRAÝ. KAZINFORM – Atyraýda elektr jelileri tozǵandyqtan turǵyndar jıy jaryqsyz qalady. Bıyl qala ákimdiginiń tapsyrsymen 66 shaqyrym elektor symy jańartylady.

Atyraýda jazdyń aptap ystyǵy bastalsa elektr qýaty jıi sónip turǵyndar men kásipkerlik nysan ıeleri ábigerge túsedi.

Turǵyndar elektr qýaty kenetten úzilgengendikten tehnıkaǵa aıtarylqtaı zııan keletinin aıtady.

— Tońayzytqysh isten shyǵady. Túski asqa úıge kelesiń, tamaq isheıin deseń toq joq. Jıi-jıi sónip qalady, — deıdi taryqqan turǵyndardyń biri. 

Ózge turǵyndar toqtyń óshýi keleńsizdik týdyratyn aıtyp, nalydy. Balalarǵa massaj jasaýmen aınalysatynyn aıtyp, dál em-dom jasap jatqan sátte toq óship, jumys toqtap qalatynyn tilge tıek etti. Buǵan em alatyn ata-analar shaǵymdanatyn kórinedi. Toq túnge deıin berilmeıtinin aıtyp, narazy ekendikterin jetkizdi.

Bıyl qalada 32 shaqyrym elektr symy tolyqtaı jańarǵan. Al jyl sońyna deıin taǵy da tozyǵy jetken 66 shaqyrym jeli jańartylady.

— Bólim teńgerimindegi jáne jelilerdi kútip ustaý jáne elektr qýatynyń úzdiksiz berýdi qamtamasyz etý úshin qala jáne eldimekender boıynsha 30 dana transformator ornatyldy. Buǵan qosa qala aýmaǵynda qamtylmaı qalǵan shaǵyn aýdandardaǵy 66 km-diń elektr jelisin zamanaýı kabelge aýystyrý josparlanyp otyr, — dedi Atyraý qalalyq TÚKSh bólimi sektorynyń bas mamany Alfııa Nurmaǵambetova. 

Sondaı-aq, maman qalada jalpy sany 36 dana qosalqy stantsııanynyń jańartylatynyn aıtady. 

Elektr jelilerin jańartý boıynsha Atyraý qalasy aldaǵy 2025-2026 jyldary 100 shaqyrym aýmaqtyń tozǵan symyn aýystyrmaqshy. Buǵan qosa, aýmaqtaǵy «Atyraý-Jaryq» mekemesi de ózine tıesili 75 shaqyrym elektr jelisin jańartýdy josparlap otyr.

Eske sala keteıik, buǵan deıin Atyraý oblysynda belgisiz indetten túıe qyrylyp jatqanyn habarlaǵan edik.