Atyraýda tórt er adam izdestirilip jatyr
ATYRAÝ. KAZINFORM — Atyraý oblysynda ár jyldary habar-osharsyz ketken tórt er adam izdestirilip jatyr. Polıtsııa olardyń júrgen jeri týraly aqparat bolsa, habarlasýǵa shaqyrady.
Іzdeýde júrgenderdiń biri — 1991 jyly týǵan Qýandyq Shýkralıev. Ol 2026 jyly 11 aqpanda Atyraý oblysy Qyzylqoǵa aýdany, Mııaly aýylyndaǵy Móltek yqshamaýdany, 5-kóshedegi úıinen shyǵyp, osy ýaqytqa deıin oralmaǵan.
Qýandyq Shýkralıevtiń boıy 170-175 santımetr, dene bitimi ortasha, shashy qara tústi, qysqa, saqaly bar. Úıden shyqqan kezde sur tústi fýtbolka jáne kók tústi sporttyq shalbar kıgen.
Sonymen qatar 1956 jyly týǵan Askar Ýteshov da izdestirilýde. Ol 2020 jyldyń 15 shildesinde Atyraý oblysy Inder aýdany, Jarsýat aýylyna qarasty sharýashylyqta mal baǵyp júrip, belgisiz baǵytqa ketip, sodan beri oralmaǵan.
Askar Ýteshovtiń boıy 158-160 santımetr, dene bitimi ortasha aryqsha, shashy qara tústi, qysqa. Ústinde qara tústi bórik, kók tústi sporttyq kúrteshe jáne qara tústi sporttyq aıaq kıim bolǵan.
Іzdeýdegi úshinshi azamat — 1987 jyly týǵan Sergeı Menıaılo. Ol 2026 jylǵy 23 maýsymda Atyraý qalasyndaǵy H. Dosmuhamedov kóshesi, 76A mekenjaıynan belgisiz baǵytqa shyǵyp, osy ýaqytqa deıin oralmaǵan.
Sergeı Menıaılonyń boıy 170-175 santımetr, dene bitimi ortasha, shashy qara tústi, qysqa. Ol aq tústi jeıde, qara tústi shalbar, qara tústi aıaq kıim jáne qara tústi sporttyq bas kıim kıgen.
Іzdeýde júrgen tórtinshi azamat — 1980 jyly týǵan Azamat Abenov. Ol bıyl 17 shildede Atyraý qalasyna qarasty Damby aýylyndaǵy Mahmýt kóshesi, 12-mekenjaıdan belgisiz baǵytqa ketip qalǵan.
Azamat Abenovtiń boıy 180-185 santımetr, dene bitimi aryqsha. Úıden shyqqan kezde aqshyl tústi bas kıim (beısbolka), tor kózdi kóılek jáne qońyr tústi shalbar kıgen.
— Qazirgi ýaqytta jan-jaqty izdestirý jumystary júrgizilýde. Qandaı da bir aqparat bilseńiz, 102 nemese 98-21-28, +7 707 145 41 15 nómirine habarlasýyńyzdy suraımyz.Meken-jaıymyz: Ábilhaıyr han dańǵyly 55, № 244 kabınet, -dep habarlady Atyraý oblysy polıtsııa departamenti.
Buǵan deıin Túrkistan oblysynda polıtsııa qyzmetkerleri bes jyl boıy halyqaralyq izdeýde júrgen 44 jastaǵy shetel azamatyn ustaǵanyn jazǵan edik.
