Atyraýda topyraqty lastaǵan kompanııaǵa 4,3 mln teńge aıyppul salyndy
ATYRAÝ. KAZINFORM – Atyraý oblysy «Morskoe» ken ornyndaǵy №56 uńǵyda bolǵan apattan keıin jerdiń munaımen lastaný deregi anyqtalyp, «Qojan» AQ-ǵa 4,3 mln teńge kóleminde ákimshilik aıyppul salyndy.
Atyraý oblysy boıynsha Ekologııa departamentiniń málimetinshe, buǵan deıin «Qojan» AQ-nyń «Morskoe» ken ornyndaǵy №56 uńǵysynda bolǵan apatqa baılanysty ekologııalyq zańnamanyń saqtalýyna jospardan tys tekserý júrgizilgen. Nátıjesinde apat saldarynan jerge munaı aralasqan suıyqtyq tógilip, topyraqtyń lastanǵany anyqtalǵan.
Osy derekke baılanysty Ekologııa departamenti Qazaqstan Respýblıkasy Qylmystyq kodeksiniń normalaryna sáıkes protsessýaldyq sheshim qabyldaý úshin tıisti materıaldardy polıtsııa organdaryna joldaǵan.
- Alaıda polıtsııa qylmys quramynyń bolmaýyna baılanysty sotqa deıingi tergep-tekserýdi toqtatyp, materıaldardy kompanııany ákimshilik jaýapkershilikke tartý úshin Ekologııa departamentine qaıtardy,-dep málimdedi departamenttiń baspasóz qyzmeti.
Resmı derekke súıensek, kompanııa topyraqty lastaý deregimen kelisken. Qysqartylǵan túrde mekemege 4,3 mln teńge kóleminde aıyppul salynyp, óndirildi.
Buǵan deıin Shymkentte kásiporyndarǵa 89,6 mln teńge aıyppul salynǵanyn jazǵan edik.
