Atyraýda teńiz jaǵasyndaǵy qamys órtenip jatyr

ATYRAÝ. KAZINFORM – Kaspıı teńiziniń jaǵalaýynda qamys órtenýde. Bul jóninde oblystyq TJD habarlady.

Atyraý oblystyq TJD málimetinshe, Atyraý qalasy Alǵabas aýylynan shamamen 5 shaqyrym qashyqtyqta Kaspıı teńizi jaǵalaýyndaǵy qamys pen qurǵaq shóp otqa oranyp jatyr. Qazirgi ýaqytta órt aýmaǵy anyqtalýda. Oqıǵa ornyna TJD 10 qyzmetkeri jumyldyryldy. Eldimekenge taralý qaýpi joq.

Búgin júrgizilgen monıtorıng nátıjesinde saǵat 19:21-de ýaqytta Atyraý qalasynan Eskene ken ornyna qaraı 50 shaqyrym qashyqtyqta, jalpy aýdany 152 sharshy metr aýmaqtaǵy qamys órtengeni anyqtaldy. Oqıǵa ornyna TJD 14 qyzmetkeri jumyldyryldy. 21:25-te órt tolyq sóndirildi.

Qazirgi ýaqytta Kaspıı teńiziniń taıaz bóliginen Atyraý qalasyna shańdy daýyl soǵyp tur.