Atyraýda taǵy eki jasóspirim Jaıyq ózenine batyp ketti

ATYRAÝ. KAZINFORM — Atyraýda taǵy eki jasóspirim Jaıyq ózenine batyp ketti. Tún ortasynda týystary jasóspirimniń biriniń múrdesin týystary sýdan shyǵaryp alǵan. Ekinshi jasóspirimdi izdeý jalǵasyp jatyr.

Atyraý oblystyq tótenshe jaǵdaılar departamentiniń qoǵammen baılanys tobynan málim etkendeı, jasóspirimder búgin, 23 shildede saǵat 00:50 shamasynda ózenge sýǵa túsken. 

«Polıtsııa departamentiniń jedel kezekshisinen Atyraý qalasyna taıaý ornalasqan Besikti aýylynyń tusynda Jaıyq ózenine 2 adamnyń sýǵa batyp ketkeni jóninde habar tústi. Tótenshe jaǵdaılar departamentiniń qutqarýshylary shaqyrtý ornyna jedel jetip, 2010 jáne 2011 jylǵy 2 jasóspirimniń sýǵa batyp ketkenin anyqtady. Týystary 14 jasar jasóspirimniń múrdesin sýdan shyǵaryp alǵan. Al, qutqarýshylar 2011 jylǵy jasóspirimdi sý astynan izdestirý jumysyn júrgizip jatyr», -dep habarlady departamenttiń qoǵammen baılanys toby. 

Jaıyq ózenine batqan jasóspirimdi izdeýge tótenshe jaǵdaılar departamentiniń jeke quramynan 11 qutqarýshy, 5 júzý quraly tartylǵan. 

Eske sala ketelik, buǵan deıin Atyraýda eki jasóspirim Jaıyq ózenine batyp ketkenin jazǵan edik. 

Al, keshe eki kún buryn Jaıyqqa batqan jasóspirimniń múrdesi sýdan shyǵaryldy.