Atyraýda tabıǵı resýrstar jáne tabıǵat paıdalanýdy úılestirý basqarmasyna jańa basshy keldi

ATYRAÝ.KAZINFORM - Atyraý oblystyq tabıǵı resýrstar jáne tabıǵat paıdalanýdy úılestirý basqarmasyna jańa basshy taǵaıyndaldy.

Óńir ákiminiń ókimimen Atyraý oblysy Tabıǵı resýrstar jáne tabıǵat paıdalanýdy retteý basqarmasynyń basshysy qyzmetine Erbolat Omarov kiristi. Bul jóninde oblys ákimdiginiń baspasóz qyzmeti málimdedi.

Erbolat Omarov 1982 jyly dúnıege kelgen. Ál-Farabı atyndaǵy Qazaq ulttyq ýnıversıtetiniń túlegi.

Eńbek jolyn 2001 jyly sot organdarynda jáne memlekettik qyzmette zańger bolyp bastaǵan. Ár jyldary Atyraý oblysy Tabıǵı resýrstar jáne tabıǵat paıdalanýdy retteý basqarmasy basshysynyń orynbasary jáne basshysy, Maqat aýdanynyń ákimi, Soltústik Qazaqstan oblysy Ekologııa departamentiniń basshysy, Atyraý qalasy ákiminiń orynbasary qyzmetterin atqarǵan.

Osyǵan deıin Pavlodar oblysynyń memlekettik sáýlet-qurylys baqylaý basqarmasyna jańa basshy taǵaıyndalǵanyn habarlaǵan edik.