Atyraýda sýburqaqqa qulaǵan 3 jasar bala kóz jumdy

ATYRAÝ. KAZINFORM – Atyraý qalasynda 3 jasar bala sýburqaqqa qulap, qaıtys boldy. Onyń aıaǵyn tsırkýlıarly nasos qysyp qalǵan. 

Oqıǵa keshe, 26 shildede saǵat 17:50 shamasynda bolǵan. Bul derekti Atyraý oblystyq polıtsııa departamentiniń baspasóz qyzmeti rastady.

«Atyraý qalasyndaǵy Áıteke bı kóshesinde ornalasqan 2021 jylǵy balanyń aıaǵy sýburqaq ishindegi tsırkýlıarly nasosqa qysylyp qalǵan. Sonyń saldary 3 jasar bala qaza tapty. Atalǵan derek boıynsha qylmystyq is tirkelip, keshendi tergeý amaldary júrgizý bastaldy», - dep habarlady departamenttiń baspasóz qyzmeti. 

Ózge aqparat tergeý múddesine sáıkes jarııalaýǵa jatpaıdy.

Eske sala ketelik, budan buryn Atyraýda 4 jasar bala balabaqshanyń káriz qudyǵyna qulap, mert bolǵan edi. 

Keıin 10 jasar bala «Munaıshy» stadıonyndaǵy basseınge batyp ketti. 

Al, óńirlik tótenshe jaǵdaılar departamentiniń málimetinshee, Atyraý oblysynda jyl basynan beri 6 bala terezeden qulaǵan.