Atyraýda sý basýy múmkin ýchaskelerde 5 qosalqy elektr stansasy bar
ATYRAÝ. KAZINFORM – Atyraý qalasynda sý basý qaýpi bar ýchaskelerde 5 qosalqy elektr stansasy bar. Qazir bul nysandar topyraq toltyrylǵan qaptarmen qorshalyp tur.
«Atyraý Jaryq» AQ qalalyq elektr júıeleriniń bas ınjeneri Tileýjan Meńdalıevtyń aıtýyna qaraǵanda, sý tasqynynan elektr stansalaryna qaýip tónbeıdi.
«Qazir Atyraý qalasyndaǵy sý basýy qaýpi joǵary ýchaskelerde 5 qosaldy elektr stansasy ornalasqan. Osy jáne áleýmettik mańyzy bar nysandardaǵy elektr stansalary topyraq salynǵan qaptarmen tolyqtaı qorshalyp tur. Sol sebepten, tasqyn sýdan elektr stansalaryna eshqandaı qaýip tónbeıdi. Sý basqan jaǵdaıda mamandarymyz kúsheıtilgen rejımdegi jumys isteýge kóshedi», - deıdi Tileýjan Meńdalıev.
Eske sala ketelik, buǵan deıin Jaıyq ózeninen Atyraý mańyndaǵy 5 eldi mekenge qaýip tónýi múmkin ekenin jazǵan edik.
Sondaı-aq, Jaıyqtyń kóterilýine baılanysty Atyraýdaǵy balalar aýylynda kezekshilik qoıyldy.
