Atyraýda sottalǵan adamdy shatastyryp merziminen buryn bosatyp jibergen

ASTANA. KAZINFORM — Atyraý oblysynda jazasyn óteý merzimi aıaqtalmaǵan sottalǵan azamatty túrmeden shyǵaryp jibergen. Bul týraly Іshki ister mınıstrligi Qylmystyq-atqarý komıtetiniń baspasóz qyzmeti habarlaıdy. 

— Qyzmetkerdiń jibergen qateligi saldarynan sottalǵan adamdy merziminen buryn bosatý týraly qujat rásimdelgen. Atalǵan zań buzýshylyq der kezinde anyqtalyp, joly kesildi, — degen habar aldyq Qylmystyq-atqarý komıtetinen.

Aqparatta aıtylǵandaı, qazir jazasyn óteýshi azamat túzetý mekemesine qaıtaryldy. 

— Atalǵan fakti boıynsha qylmystyq is qozǵalyp, qyzmettik tergeý júrip jatyr. Kináli laýazymdy tulǵalar zańnamaǵa sáıkes qatań jaýapkershilikke tartylady, — dep habarlaıdy komıtet.

Aıta ketsek, túrmedegi áıelderdiń jaǵdaıy jaqsara túspek. Tıisti qujat jobasyn Іshki ister mınıstrligi ázirledi. 

Sondaı-aq elimizde pedofılderge túrmeden shyqqanǵa deıin kastratsııa jasalmaq.