Atyraýda sotta qaralǵan qylmystyq ister azaıyp, azamattyq ister kóbeıgen
ATYRAÝ. KAZINFORM — Atyraý oblysynda bıyl toǵyz aıda qaralǵan azamattyq ister sany byltyrǵy osy kezeńmen salystyrǵanda 21,37%-ǵa artty. Óńir sottary jyl basynan beri qaraǵan azamattyq istiń sany 19 myńnan asyp ketken.
Atyraý oblystyq sotynyń baspasóz qyzmeti taratqan aqparatqa súıensek, azamattyq isterdiń 9 974-i boıynsha sheshim shyǵarylǵan. Taǵy 3 352 is taraptardyń tatýlasýymen aıaqtaldy.
Al qylmystyq ister sany azaıǵan. Jyl basynan beri oblys sottary 1 096 adamǵa qatysty 927 isti qarady. Bul byltyrǵy osy kezeńmen salystyrǵanda 302 iske az. 9 aıda qylmys jasaǵany dáledengen 782 adam sottalǵan. Alqabıler 17 adamǵa qatysty 7 iske tórelik etken.
Ákimshilik quqyq buzýshylyq týraly ister kóbeıgen. Bıyl toǵyz aıda sottar 17 034 isti qaraǵan. Bul byltyrǵy kórsetkishten 1 374-ke artyq.
Budan bólek, óńirdegi sottar 887 ákimshilik isti qarady. Onyń 287-ne sheshim shyǵyp, 164 talap qoıý qanaǵattandyryldy. Sonymen qatar, 74 is tatýlasý arqyly aıaqtalsa, talap qoıýshylar 194 talabyn qaıtaryp alǵan.
Eske salaıyq, Atyraýda 100-den asa adamdy aldaǵan «Abyroı Avto» avtosalonynyń eki basshysy 6 jyl 6 aıǵa bas bostandyǵynan aıyrylǵan edi.
