Atyraýda sońǵy 3 jylda áleýmettik mańyzy bar azyq-túlik qory 3,5 esege ulǵaıǵan
ATYRAÝ. KAZINFORM – Atyraýda jyl saıyn turaqtandyrý qorynda saqtalatyn áleýmettik mańyzy bar azyq-túliktiń qoryn kóbeıtýge nazar aýdarylyp otyr. Sońǵy 3 jylda osyndaı taýarlar qory 3,5 esege ulǵaıǵan.
«Atyraý» áleýmettik-kásipkerlik korporatsııasy» AQ tóraǵasy Danııar Tahanovtyń baıandaýynsha, 5 jyl burynǵy statıskamen salystyrǵanda, turaqtandyrý qory arqyly ótkiziletin áleýmettik mańyzy bar azyq-túlik taýarlarynyń túri 5-ten 18-ge, satý núkteleri 4-ten 54-ke, al, satylǵan kókónis óniminiń kólemi 3 jylda 1 461-den 5 136 tonnaǵa deıin ulǵaıǵan.
«Qazir áleýmettik mańyzy bar azyq-túlik taýarlarynyń baǵasyn turaqtandyrý úshin aınalym qarajatyn tolyqtyrý kózdeldi. Osy maqsatta jergilikti 2 saýda jelisimen jáne 8 taýar óndirýshimen kelisimshart jasaldy», - deıdi Danııar Tahanov.
Atyraý oblysy ákiminiń orynbasary Jasulan Bısembıevtiń pikirinshe, áleýmettik mańyzy bar azyq-túlikterdiń baǵasyn turaqtandyrý baǵytyndaǵy jumysty jandandyrý qajet.
«Eldiń berekesin arttyrý úshin qoǵamnyń tynyshtyǵyna basa mán berý qajet. Osy oraıda eń basty másele – kúndelikti tutynatyn azyq-túlik taýarlarynyń baǵasyn turaqtandyrý. Ákimdik janynan áser etýshi faktorlardy joıý kerek. Áleýmettik mańyzy bar azyq-túlikterdiń baǵasyn negizsiz ósirýge jol berýge bolmaıdy. Oblys turǵyndary úı mańyndaǵy dúkender men shaǵyn marketterde baǵa kóterilgenin baıqasa, shaǵymdy kimge, qaıda jazý kerektigin bilýge tıis. Baǵany negizsiz ósirgenderge qarsy jumys toqtamaıdy», - dedi Jasulan Bısembıev.
