Atyraýda sheteldikten aqsha bopsalaǵan kúdiktiler arasynda jasóspirimder bar

ATYRAÝ. KAZINFORM – Atyraýda shetel azamatynan aqsha bopsalaǵan 4 kúdikti ustaldy. Kúdiktilerdiń arasynda kámeletke tolmaǵan jasóspirimder bar. 

Bul derekti Atyraý oblystyq polıtsııa departamentiniń baspasóz qyzmeti rastady.

«Uıymdasqan qylmysqa qarsy kúres basqarmasynyń qyzmetkerleri Atyraý qalasynyń aýmaǵynda Ózbekstan Respýblıkasynan azamatynan aqsha bopsalaǵan qylmystyq toptyń jolyn kesti. Toptyń quramy 4 adamnan jasaqtalǵan. Kúdiktilerdiń arasynda kámelet jasyna tolmaǵan jasóspirimder bar. Qylmystyq topty jábirlenýshiden aqsha alý kezinde ustaldy», - dep habarlady departamenttiń baspasóz qyzmeti. 

Qazir polıtsııa qyzmetkerleri kúdiktilerge qatysty qylmystyq isti qozǵady. Qylmystyq is adamdar tobynyń bopsalaýy deregimen tergelip jatyr. 

Eske sala ketelik, buǵan deıin Atyraýda esirtki satqan 3 sheteldik 10 jylǵa sottalǵanyn habarlaǵan edik.