Atyraýda shatyry órtengen mekteptiń 300-ge jýyq oqýshysy basqa ǵımaratta oqıtyn boldy
ATYRAÝ.KAZINFORM - Atyraýdaǵy Joldasqalı Dosmuhambetov atyndaǵy mamandandyrylǵan mektep-lıtseı-ınternatynyń oqýshylary jańa oqý jylynda basqa ǵımaratta bilim alady. Buǵan 25 maýsymda bilim ordasynyń negizgi ǵımaratynda bolǵan órt sebep. Qazir bilim berý basqarmasy mektep úshin basqa ǵımarat izdep jatyr.
Atalǵan bilim berý uıymy 1991 jyly ashylǵan. Al mekteptiń negizgi ǵımaraty 1948 jyly salynǵan. 2007 jyly oǵan japsarlas ǵımarat boı kótergen. 25 maýsym kúni saǵat 10:40 shamasynda mekteptiń 1948 jyly salynǵan ǵımaratynyń shatyrynan órt shyǵyp, keıin sóndirilgen.
Mektep ǵımaraty 320 oqýshyǵa arnalǵan. Ótken oqý jylynda munda 299 oqýshy bilim aldy. Lıtseıdiń basqa mekenjaıda ornalasqan 40 oryndyq eki qabatty ınternat ǵımaraty bar. 2025-2026 oqý jylynda onda 40 bala turǵan.
Búginde oblystyq bilim berý basqarmasy mektep oqýshylary jańa oqý jylyn basqa ǵımaratta bastaıtynyn málimdedi. Degenmen áli qajetti ǵımarat tabylmaǵan.
Basqarma basshysy Marat Ábýovtiń aıtýynsha, negizgi ǵımaratty shuǵyl jóndep, keıin ony qaıtadan renovatsııalaý bıýdjet úshin tıimsiz. Mekteptiń órtke deıin renovatsııa josparyna engizilgeni belgili boldy. ıAǵnı bilim ordasyn jańartý týraly sheshim órt oqıǵasyna deıin qabyldanǵan. Qazir mekteptiń jobalyq-smetalyq qujattamasy memlekettik saraptamadan ótip jatyr.
- Qazir shuǵyl jóndep, keıin renovatsııa aıasynda qaıtadan jóndeý jumysyn júrgizý bıýdjetke tıimsiz. Birinshi, jaldaý arqyly jańa ǵımarat izdeý nemese memlekettik bilim berý uıymdarynyń múmkindigine qaraı ornalastyrý joldaryn qarap jatyrmyz. Búginde Atyraý qalasy boıynsha úlken ári mektep standarttaryna sáıkes keletin ǵımarat izdeýdemiz, - dedi Marat Ábýov.
Basqarma bul máseleni 1 qyrkúıekke deıin sheshýdi josparlap otyr.
Jalpy bıyl Atyraý oblysynda 9 bilim berý uıymyn renovatsııa arqyly jańartý josparlanǵan. Alaıda qazirgi tańda qarjy tek úsh nysanǵa bólingen.
Basqarma basshysynyń sózine súıensek, qalǵan alty mektepte jóndeý jumysy bıýdjet qarajatynyń tapshylyǵyna baılanysty bastalmaı otyr. Basqarma bastapqyda barlyq mektepke qarjy josparlanǵanyn, alaıda bıýdjet tapshylyǵyna baılanysty qarajatty eń aldymen qyzmetkerlerdiń eńbekaqysy men basqa da mindetti tólemderge baǵyttaý qajet bolǵanyn túsindirdi.
Buǵan deıin Shymkenttegi Alpamys batyr atyndaǵy № 40 mekteptegi ahýal ata-analardyń narazylyǵyn týdyrǵanyn jazǵan edik.
