Atyraýda shaıba taǵyp kórmek bolǵan búldirshin dárigerden bir-aq shyqty
ASTANA. KAZINFORM — Atyraýda TJM qutqarýshylary balanyń saýsaǵynan shaıbany alýǵa kómektesti, dep habarlaıdy vedomstvonyń baspasóz qyzmeti.
Oblystyq balalar aýrýhanasynyń travmatologııalyq bólimshesine 5 jasar bala kómek surap keldi. Ol saýsaǵyn temir shaıbaǵa salyp, ony qaıta shyǵara almaǵan. Dárigerler qutqarýshylarǵa júgindi. TJM qyzmetkerleri «tistegish» avarııalyq-qutqarý quralynyń kómegimen metall bólshekti aqyryn kesip, shaıbany alyp tastady. Balanyń saýsaǵyn bosatý úshin birneshe mınýt ýaqyt ǵana ketti.
— Balada qorqynysh boldy, degenmen qutqarý operatsııasy sátti aıaqtaldy. Ol medıtsınalyq kómekke muqtaj bolmady. TJM ata-analardy muqııat bolýǵa, balalardy qaraýsyz qaldyrmaýǵa shaqyrady. Kútpegen jaǵdaılarda qutqarý qyzmetiniń 112 biryńǵaı qońyraý nómirine qońyraý shalyńyz, — dep eskertti TJM.
Buǵan deıin habarlaǵanymyzdaı, Petropavlda 3 jasar balanyń kózine pyshaq kirip ketti.