Atyraýda sarbaz áskerı bólimnen qarý alyp shyqqan

ASTANA. KAZINFORM – «Batys» óńirlik qolbasshylyǵy Atyraý garnızonynyń baspasóz qyzmeti merzimdi qyzmettegi sarbazdyń áskerı bólimnen qarý alyp shyqqany týraly málimetti rastady.

«2024 jylǵy 8 mamyrda Atyraý garnızonyndaǵy áskerı bólimderdiń birinde merzimdi qyzmettiń áskerı qyzmetshisi bekitilgen qarýdy alyp, bólimdi óz erkimen tastap ketý faktisi tirkeldi. Qazirgi ýaqytta áskerı qyzmetshi bólim aýmaǵynda. Zardap shekkender joq. Tergeý múddesine saı ózge aqparat jarııa etilmeıdi», - dep jazylǵan resmı málimette.

Keı málimetter boıynsha, áskerı bólimnen qashqan sarbaz - Kókshetaý qalasynyń týmasy. Ol áskerge bıylǵy 18 sáýirde shaqyrylǵan.