Atyraýda salynyp jatqan kópqabatty úıden órt shyqty
ATYRAÝ. KAZINFORM – Atyraý qalasynyń Nursaıa yqsham aýdanynda salynyp jatqan 9 qabatty turǵyn úıdiń shatyrynda órt shyǵyp, 100 sharshy metr aýmaqty sharpydy.
Oblystyq TJD málimetinshe, oqıǵa búgin, 12:39-da Taýmysh Jumaǵalıev kóshesinde salynyp jatqan kópqabatty turǵyn úıde bolǵan. Órt qurylysqa arnalǵan jylý oqshaýlaǵysh materıaly – kóbik Plex-ten shyqqan.
Órt sóndirýshilerdiń jedel is-qımylynyń nátıjesinde tilsiz jaý saǵat 13:10-da tolyq sóndirildi. Jalynnyń jalpy aýmaǵy 100 sharshy metrge jetken.
Órt saldarynan zardap shekkender joq. Qazir órttiń shyǵý sebebi anyqtalyp jatyr.
Buǵan deıin Oralda qatty turmystyq qaldyqtar polıgonynan órt shyqqanyn jazǵan edik.
