Atyraýda Reseıden ákele jatqan hımıkatqa berilgen qorytyndy kúmán týdyrdy
Atyraýda Reseıden ákele jatqan hımıkatqa berilgen qorytyndy kúmán týdyrdy, dep habarlaıdy Kazinform.
Qurmanǵazy aýdandyq memlekettik kirister basqarmasynyń basshysy Aıbek Saspanovtyń aıtýynsha, Reseıden kele jatqan júk kóliktegi taýardyń arasynda hımıkat bolǵany anyqtalǵan.
«Qazaqstan men Reseı memlekettik shekarasyndaǵy eksporttyq-shekaralyq baqylaý aımaǵynda Volvo kóligi tekserildi. Kólik Reseıdiń Volgograd oblysynan Qazaqstandaǵy Pavlodar oblysyna baǵyt alǵan. Basqarma qyzmetkerleri salyqtyq-kedendik baqylaý júrgizip, kólik quralyndaǵy taýar ishinen «Sobıratel DSB» hımıkatyn anyqtady. Hımıkattyń salmaǵy – 5600 keli, baǵasy – 2 302 300 teńge. Atalǵan taýar Indýstrııa jáne ınfraqurylymdyq damý mınıstriniń 2023 jylǵy 9 maýsymdaǵy №424 buıryǵymen bekitilgen «Ózindik ereksheligi bar taýarlardyń baqylaý tizimin bekitý týraly» tizimge kiredi. Sol sebepten SEQ TN kody boıynsha ózindik ereksheligi bar taýarlardy sáıkestendirý týraly qorytyndy tekserildi», - dep habarlady Aıbek Saspanov.
Onyń aıtýyna qaraǵanda, osy qorytyndyǵa baılanysty kúmán týyndaǵan. Sol sebepten qorytyndynyń jalǵan ne jalǵan emestigin anyqtaý, protsessýaldyq sheshim qabyldaý tıisti materıaldar Qurmanǵazy aýdandyq polıtsııa bólimine joldandy.
Eske sala ketelik, buǵan deıin Atyraýda avtomektep jalǵan júrgizýshi kýáligin taratty degen kúdikke ilingenin jazǵan edik.
