Atyraýda iri qaranyń neden ólgeni anyqtalyp jatyr
ATYRAÝ. KAZINFORM – Áleýmettik jelide Maqat aýdanyna qarasty «Bileýli ata» ýchaskesinde iri qara maldyń aýyryp, ózdiginen júre almaı qalǵany jáne mal shyǵyny tirkelgeni túsirilgen vıdeo tarady. Maldyń neden aýyrǵany ázirge belgisiz. Oblystyq aýyl sharýashylyǵy basqarmasy eki maldyń ólimi tirkelgenin, zerthanalyq saraptama júrgizilip jatqanyn habarlady.
Áleýmettik jelide taraǵan vıdeoda birneshe iri qaranyń jerde jatqanyn kórýge bolady. Úı janýarlarynyń álsirep, ornynan tura almaı qalǵany baıqalady.
Atyraý oblystyq jer qatynastary jáne aýyl sharýashylyǵy basqarmasynyń málimetinshe, Maqat aýdanynda iri qara mal arasynda belgisiz aýrý tirkelgen. Ólgen maldyń naqty neden qyrylǵanyn anyqtaý úshin synamalar alynyp, zerthanaǵa jiberilgen.
– Maqat aýdanynda iri qara mal arasynda taraǵan aýrý saldarynan eki maldyń ólimi tirkeldi. 28 qazanda ólgen eki maldan synama alynyp, zerthanaǵa joldandy. Zertteý nátıjesi shamamen 3-5 kúnde daıyn bolady, – dep habarlady basqarma.
Basqarma ókilderi aýdan boıynsha janýarlarǵa qaýipti degen 8 túrli aýrýǵa qatysty josparly vaktsına salynyp jatqanyn aıtty. Olardyń qatarynda iri qara mal arasynda kezdesetin juqpaly aýrý emkarǵa qarsy vaktsına da bar.
Aýrýdyń dál osy túriniń bul jaǵdaıǵa qatysy bar-joǵy zerthanalyq zertteý nátıjesi shyqqannan keıin belgili bolady.
Jyl sońyna deıin Germanııadan jalpy quny shamamen 6 mlrd teńge bolatyn 5 myń bas golshtın-frız tuqymdy iri qara ákelý josparlanǵany jóninde jazǵan edik.
