Atyraýda prokýratýra polıtsııanyń zańsyz shyǵarǵan 100-den astam qaýlysynyń kúshin joıdy
ATYRAÝ. KAZINFORM - Atyraý qalasynyń prokýratýrasy júrgizýshilerdi qujatsyz kólik basqarǵany úshin zańsyz jaýapqa tartý tájirıbesiniń jolyn kesti, dep habarlaıdy Atyraý oblysy prokýratýrasynyń baspasóz qyzmeti.
Qoldanystaǵy zańnamada júrgizýshilerdiń janynda qaǵaz túrindegi qujattary (jeke kýálik pen júrgizýshi kýáligi) bolýy tıis degen mindettiń joqtyǵyna qaramastan, olardy ÁQBtK-niń 612-baby 1-bóligi boıynsha ákimshilik jaýapqa zańsyz tartyp kelgen.
«Elektrondyq qujat jáne elektrondyq tsıfrlyq qoltańba týraly» Zańnyń 7-babyna sáıkes, osy Zańnyń talaptaryna sáıkes keletin jáne oǵan qol qoıýǵa ókilettigi bar adamnyń elektrondyq tsıfrlyq qoltańbasy arqyly kýálandyrylǵan elektrondyq qujat qaǵaz jetkizgishtegi qol qoıylǵan qujatpen birdeı.
Qadaǵalaý aktisi boıynsha 100 zańsyz qaýlynyń kúshi joıylyp, osylaısha azamattardyń buzylǵan quqyqtary qalpyna keltirildi.
Qadaǵalaý organy ákimshilik is júrgizý salasyndaǵy zańdylyqtyń saqtalýy erekshe baqylaýda ekenin atap ótti.
Osyǵan deıin Abaı oblysynda prokýratýranyń bızneske qatysty 60 zańsyz tekserýdi toqtatqany týraly jazdyq.
