Atyraýda Prezıdent teleradıokesheniniń «Hronıkadan bolashaqqa» kınolektorııi ótti
ATYRAÝ. KAZINFORM — Prezıdent Teleradıokesheniniń 30 jyldyǵyna arnalǵan joba bul joly elimizdiń batys óńirine taban tiredi. Aqtaýdan keıin estafetany Atyraý qabyldap, oblys ortalyǵynda «Sert» derekti fılmi kórsetildi.
Fılm 2024 jyldyń kókteminde Atyraý oblysyn qosa alǵanda, Qazaqstannyń birneshe aımaǵynda bolǵan sý tasqynynyń saldary, baspanasyz qalǵan qazaqstandyqtardyń taǵdyry jáne osy qıyn kezeńde el azamattarynyń birligi týraly baıandaıdy.
Tosynnan kelgen tabıǵı apat búkil el úshin úlken synaq boldy. Alaıda Prezıdent Qasym-Jomart Toqaevtyń qoldaýynyń arqasynda apattyń saldary tez arada joıylyp, turǵyndar úılerine oraldy.
Atyraý oblysynyń mádenıet jáne tilderdi damytý basqarmasynyń basshysy Ábil Jolamanovtyń pikirinshe, mundaı derekti kartınalar qoǵam men memlekettiń qıyndyqtarǵa tap bolǵan kezde qalaı birigetinin kórsetedi, sondyqtan keń aýdıtorııaǵa laıyq.
— Fılmde adamdar bastan ótkergen tabıǵı apattyń aýqymy kórinis tapqan. Kadrlarda tótenshe jaǵdaı kezindegi qarqyndy jumys, árbir árekettiń adam ómirin saqtaýǵa baǵyttalǵany kórsetiledi. Memleket basshysynyń tikeleı baqylaýynyń arqasynda zardap shekkenderge jedel kómek kórsetý múmkin boldy, — dep atap ótti Jolamanov.
34 myńnan astam adam bir rettik tólem, al 22 myńǵa jýyq otbasy materıaldyq shyǵyn úshin ótemaqy aldy. Adamdardyń qalypty ómirine múmkindiginshe tezirek oralýy úshin qysqa merzim, ıaǵnı 3,5 aı ishinde 2576 úı salyndy.
Fılm atmosferasy shynaıy sezimge toly boldy.
— Prezıdent basynan bastap zardap shekken turǵyndardy qoldaýsyz qaldyrmaıtynyn aıtyp, barlyǵy turǵyn úımen qamtamasyz etiletinine ýáde berdi. Ol sózinde turdy, — dep bólisti fılmniń keıipkerleri, Qulsary qalasynyń turǵyny Zarıpa Alaqaeva.
Fılm keıipkerleri úkimettiń qoldaýynan basqa búkil el turǵyndarynyń shynaıy janashyrlyǵy men qamqorlyǵyn sezingenin atap ótti. Sol kezde zardap shekken barlyq aımaqqa gýmanıtarlyq kómek jiberildi, al qazaqstandyqtar basqalardyń qaıǵy-qasiretine beı-jaı qaramady.
— Qulsaryny sý basqannan keıin Atyraý turǵyndary Jaıyq ózeninen tóngen qaýipti azaıtýǵa belsendi qatysty. Olar bógetter saldy, aldyn alý sharalaryn kúsheıtti jáne qala men eldi mekenderdi apattan qorǵaı aldy. Biz úıleri sý astynda qalǵan jerlesterimizdiń basyna túsken qıyndyqtaryn óz kózimizben kórdik. Endi osy derekti jumys arqyly oqıǵalardyń qalaı órbigenin jáne sý tasqynynan keıin adamdardyń ómiri qalaı ózgergenin qaıta kóre alamyz. Halyqtyń birligi men úılesimdi jumystyń arqasynda bul qıyndyqtar eńserildi, — dedi Atyraý turǵyny Raısa Bıtkova.
TRK Derekti kıno ortalyǵynyń bas prodıýseri Ádilbek Qulaman atap ótkendeı, «Sert» fılmin túsirý úshin tórt shyǵarmashylyq top quryldy, olar apatqa ushyraǵan túrli aımaqtarǵa sapar shegip, sol kúnderdiń oqıǵalary týraly egjeı-tegjeıli baıandaýǵa múmkindik jasady.
«Hronıkadan bolashaqqa» atty kınolektorıı ómir boıy Aral teńizinde balyq aýlaýmen aınalysqan Kúntýǵan Turǵynbaevqa arnalǵan «Aral» derekti-portrettik fılminiń kórsetilimimen jalǵasty.
Kınolektorııdiń ekinshi kúninde kórermenderge «Qulaly aralynan kelgen adam» jáne «Qýatty seriktes» derekti fılmderi kórsetiledi. Birinshi fılm Qulaly aralynda kóp jyl boıy jumys istegen gıdrometeorologııalyq stantsııanyń basshysy Petr Lýpenkovtyń ómiri men qyzmetine arnalǵan. Ekinshisi Qazaqstan men Japonııa arasyndaǵy strategııalyq seriktestiktiń damýy týraly baıandaıdy.
Eske salsaq, «Hronıkadan bolashaqqa» atty aýqymdy respýblıkalyq kınolektorıı Prezıdent Teleradıokesheniniń 30 jyldyǵyna oraı ótkizilip jatyr. 21 mamyrda Astanada bastalǵan bul aýqymdy aǵartýshylyq joba Qyzylorda, Túrkistan, Shymkent, Taraz jáne Aqtaý qalalarynda ótkizildi. Qazir ol batys baǵytta jalǵasyp jatyr, oǵan Oral men Aqtóbe de kiredi.
Sodan keıin kınolektorıı Óskemen, Semeı, Pavlodar, Petropavl, Qostanaı, Jezqazǵan, Qaraǵandy, Kókshetaý, Taldyqorǵan jáne Qonaev qalalarynda ótedi. Joba 25 qyrkúıekte Almatyda aıaqtalady. Fılmderge kirý tegin.
