Atyraýda poıyz qaǵyp ketken er adam kóz jumdy
ATYRAÝ.KAZINFORM - Atyraý oblysynda er adamdy poıyz qaǵyp ketti. Oqıǵaǵa baılanysty kóliktegi polıtsııa qylmystyq is qozǵap, tergeý júrgizip jatyr.
Aldyn ala málimet boıynsha, oqıǵa 13 tamyz túnde bolǵan. Áleýmettik jelide temirjol boıynda er adamdy poıyz qaǵyp ketkennen keıin túsirilgen vıdeo tarady.
Qazirgi ýaqytta Atyraý stantsııasyndaǵy kóliktegi polıtsııa bólimi abaısyzda adam ólimine ákep soqqan temirjol kóligi qozǵalysynyń qaýipsizdik qaǵıdalaryn buzý boıynsha qylmystyq is qozǵady.
- Qazirgi ýaqytta oqıǵanyń sebepteri men mán-jaıyn anyqtaý boıynsha tıisti tergeý amaldary júrgizilip jatyr. Ózge aqparat QR Qylmystyq is júrgizý kodeksiniń 201-babynyń talaptaryna sáıkes tergeý múddesine oraı jarııalaýǵa jatpaıdy,-dep habarlady Atyraý stantsııasyndaǵy kóliktegi polıtsııa bólimi.
Buǵan deıin Shymkent-Badam tasjolynda jeńil kólik júk kóligimen soqtyǵysyp, bir áýlettiń úsh múshesi kóz jumǵanyn habarlaǵan edik.
