Atyraýda polıtseılerge shabýyl jasaǵan úsh er adam bas bostandyǵynan aıyryldy
ATYRAÝ. KAZINFORM - Atyraý oblysynda polıtsııa qyzmetkerlerine shabýyl jasap, qyzmettik mindetin atqaryp júrgen bılik ókilderine kúsh kórsetken úsh er adamnyń jazasy kúsheıtildi. Kassatsııalyq sot Bas prokýratýranyń narazylyǵyn qarap, sot aktilerine ózgeris engizdi.
Buǵan deıin Qyzylqoǵa aýdandyq soty B. men A.-ny polıtsııa qyzmetkerlerine shabýyl jasaǵany úshin 4 jylǵa, al J.-ny 3 jyl 6 aıǵa bas bostandyǵyn shekteý jazasyna sottaǵan.
Іs materıaldaryna sáıkes, oqıǵa Maqat aýdanynda bolǵan. Mas kúıdegi bir top er adam polıtsııa shaqyrylǵan jerge kelgen qyzmetkerlerge belsendi qarsylyq kórsetken.
Oqıǵa kezinde olar polıtsııa qyzmetkerlerin tepkilep, qarý retinde aǵash taıaq pen tas qoldanǵan. Saldarynan polıtseılerdiń bireýi ortasha aýyrlyqtaǵy dene jaraqatyn alǵan.
Bas prokýratýranyń narazylyǵyn qaraǵan kassatsııalyq sot buryn taǵaıyndalǵan jazany ádil emes ári jasalǵan qylmystyń aýyrlyǵyna sáıkes kelmeıdi dep baǵalaǵan.
Sottyń málimetinshe, sottalǵandardyń áreketi qoǵamdyq tártipti óreskel buzyp qana qoımaı, qyzmettik mindetin atqaryp júrgen polıtsııa qyzmetkeriniń densaýlyǵyna zııan keltirgen. Osyǵan baılanysty olardyń áreketi qoǵamǵa joǵary qaýip tóndiretini eskerilgen.
Nátıjesinde B. men A.-ǵa 4 jyldan bas bostandyǵynan aıyrý, al J.-ǵa 3 jyl 6 aıǵa bas bostandyǵynan aıyrý jazasy taǵaıyndaldy.
Sottalǵandar sot zalynda birden kúzetpen qamaýǵa alyndy.
Іs materıaldaryna sáıkes, oqıǵa Maqat aýdanynda bolǵan. Mas kúıdegi bir top er adam polıtsııa shaqyrylǵan jerge kelgen qyzmetkerlerge belsendi qarsylyq kórsetken.
