Atyraýda polıtseıler jýynatyn bólmede qulap qalǵan ájeıdi qutqardy

Atyraýda qart ájeı jýynatyn bólmede qulap qalǵan. Ony aman alyp qalýǵa polıtsııa qyzmetkerleriniń septigi tıdi, dep habarlaıdy Kazinform. 

Atyraý oblystyq polıtsııa departamentiniń baspasóz qyzmetinen málim etkendeı, oqıǵa keshe, 31 jeltoqsanda bolǵan.

«Atyraý qalasynyń turǵynynan polıtsııaǵa qart anasynyń qaıtys bolǵany týraly habar tústi. Shaqyrtý ornyna jedel tergeý toby jetti. Top quramyndaǵy krımınalıster tekserý júrgizdi. Qart adam jýynatyn bólmede qulap qalǵan. Tekserý kezinde 1947 jylǵy ájeıdiń tamyry soǵyp turǵany anyqtaldy. Sol sebepten jedel járdem brıgadasy shaqyryldy. Jedel járdem brıgadasynyń dárigerleri ájeıdiń eseńgirep qalǵanyn rastady», - dep habarlady departamenttiń baspasóz qyzmeti.

Osylaısha, 77 jasqa qadam basqan ájeı bir ólimnen aman qaldy. Oǵan polıtsııa qyzmetkerleriniń ańǵarympazdyǵy sebep boldy.

Eske sala ketelik, budan buryn polıtseıler ózenniń muzy oıylǵanda sýǵa túsip ketken eki adamdy qutqaryp qalǵanyn habarlaǵan bolatynbyz.