Atyraýda polıtseıler jol boıynda qalǵan kólikterge kómektesti

17 jeltoqsan kúni Atyraý oblysy aýmaǵynda qalyń qar túsýi saldarynan tas joldardyń kóktaıǵaq bolýyna baılanysty Qulsary-Beıneý, Atyraý-Inder baǵytyndaǵy tas jolda kólik quralynyń barlyq túriniń qozǵalysyna shekteý engizildi, dep habarlaıdy Kazinform.

«Qazir patrýldik polıtsııa rotasynyń qyzmetkerleri táýliktiń túngi mezgilinde taıǵaq jol boıynda kólik quraldarynyń qalyp qoımaýy úshin kólik quraldaryn qyzmettik kólikterdiń baǵyttaýymen jetkizý jumystaryn júrgizýde.

Beıneý aýdany baǵytyna 105-ke jýyq kólik jóneltildi», — dep jazdy ІІM-nen.

Sondaı-aq Inder aýdany aýmaǵyndaǵy eldimekenderge qyzmettik kólikterdiń erip júrýimen 150-den astam kólik jetkizildi.