Atyraýda polıtseıler esirtki aınalymynyń aldyn alý maqsatynda túzeý mekemesin tekserdi

ATYRAÝ. KAZINFORM – Atyraýda polıtseıler №66 túzeý mekemesin tekserip, esirtki aınalymynyń aldyn aldy. 

Polisia.kz portalynyń málimetinshe, Atyraý oblysynda esirtki quraldarynyń, psıhotroptyq zattar men olardyń prekýrsorlarynyń zańsyz aınalymyn anyqtaý jáne jolyn kesý maqsatynda «Qarasora-2025» jedel profılaktıkalyq sharasy júrgizilip jatyr. 

Іs-shara aıasynda Atyraý oblysy polıtsııa departamentiniń esirtki qylmysyna qarsy is-qımyl basqarmasy men kınologııalyq qyzmet ortalyǵynyń qyzmetkerleri qylmystyq-atqarý júıesi departamentiniń № 66 túzeý mekemesin tekserdi. Tekserý kezinde arnaıy úıretilgen qyzmettik jáne izdestirý ıtterin paıdalanyldy.  

Reıd barysynda mekeme aýmaǵyndaǵy avtokólikter men kúdiktiler ustalyp otyratyn bólmeler muqııat qaraldy. Basty maqsat – óńirge tyıym salynǵan esirtki jáne psıhotroptyq zattardyń jetkizilýine jol bermeý, sondaı-aq olardyń zańsyz aınalymyna tosqaýyl qoıý.

Profılaktıkalyq tekserý barysynda № 66 túzeý mekemesinde kúdik týdyratyn zattar anyqtalǵan joq. Sondaıaq polıtsııa bul baǵyttaǵy jumystardyń kún saıyn turaqty túrde júrgiziletinin atap ótti. 

Buǵan deıin kolonııalarǵa tyıym salynǵan zattardy kirgizbek bolǵan advokattar ustalǵanyn jazǵan edik.