Atyraýda para alǵany úshin sottalǵan Baqytgúl Hamenova toıda kózge tústi

ATYRAÝ. KAZINFORM – Atyraýda oblys ákiminiń burynǵy orynbasary, eks-depýtat Baqytgúl Hamenovanyń toıǵa qatysqan sáti áleýmettik jelide jarııalandy. Beınejazbada onyń sheneýnikter men polıtsııa qyzmetkerleriniń qatarynda, aldyńǵy qatarda turǵany anyq kórinedi. 

Atalǵan jaǵdaı qyzý talqylanyp jatyr.

Eske sala keteıik, Baqytgúl Hamenova Abaı eskertkishin ornatý kezinde 4,5 mıllıon teńge kóleminde para alǵany úshin 7 jylǵa bas bostandyǵynan aıyrylǵan bolatyn. Sot sheshimimen ol memlekettik qyzmette jumys isteý quqyǵynan aıyrylyp, múlki tárkilengen.

Atyraý oblystyq soty bul jaıtqa qatysty úkimniń oryndalýyna qatysty mán-jaıdy eske saldy.

– Úkimniń oryndalýy 3 jyl merzimge keıinge qaldyrylǵan. Bul sheshim sottalýshynyń asyraýyndaǵy eki jas balasynyń bolýyna baılanysty qabyldandy, - dep habarlady Atyraý oblystyq sottyń baspasóz qyzmeti.

Eske salsaq, eks-sheneýnik Baqytgúl Hamenovamen birge tergelgen basqarma basshysy men seriktestik dırektoryna qatysty sot úkimi ózgergen.