Atyraýda ózenge sekirgen er adam qutqarýshylardy ábigerge saldy
ASTANA. KAZINFORM — Atyraýda Tótenshe jaǵdaılar qyzmetkerleri er adamdy qutqaryp qaldy.
Atyraý qalasyndaǵy Álıev kópiri mańynda er adamnyń Jaıyq ózenine sekirgeni týraly habarlama tústi.
— TJM qyzmetkerleri oqıǵa ornyna jedel jetti. Qutqarýshylar júzý quralynyń kómegimen zardap shekken azamatqa jetip, ony sýdan shyǵaryp, jaǵaǵa jetkizdi. Keıin er adam jedel medıtsınalyq járdem brıgadasyna tapsyryldy, — delingen habarlamada.
TJM tótenshe jaǵdaı týyndaǵan kezde dereý 112 nómirine habarlasýǵa shaqyrady.
Budan buryn Astanada áıel 15-qabattan sekirip, bala jatqan arbaǵa qulaǵap, ekeýi de ajal qushqanyn jazǵanbyz.