Atyraýda ótken aptada sary maı, sábiz, pııaz, qant pen tuz baǵasy ózgerdi

ATYRAÝ. KAZINFORM – Atyraý oblysynda kún saıyn áleýmettik mańyzy bar azyq-túlik taýarlaryna kúndelikti monıtorıng júrgizilip jatyr. Monıtorıng kezinde bes túrli azyq-túlik baǵasynyń óskeni anyqtalǵan.

Atyraý oblystyq kásipkerlik jáne ónerkásip basqarmasynyń bólim basshysy Rızabek Musaǵalıevtiń aıtýyna qaraǵanda, baǵasy ósken taýarlardyń bári shetelden jetkizilgen.

– Azyq-túliktiń keıbiri Reseı Federatsııasynan, Belarýs, Iran, Qytaı men Ózbekstan Respýblıkasynan jetkiziledi. Importtyq ónimder baǵasynyń ósýine maýsymaralyq kezeń, valıýta baǵamynyń ózgerisi men logıstıkalyq shyǵyndardyń artýy tikeleı áser etip otyr. Ótken aptada sary maı, sábiz, pııaz, qant jáne tuzdyń baǵasynda ósim baıqaldy. Al súzbe men qyryqqabat baǵasy tómendedi, -deıdi Rızabek Musabekov.

Onyń deregine qaraǵanda, qazir áleýmettik mańyzy bar 10 taýardyń baǵasy turaqty bolyp tur.

– Baǵanyń negizsiz ósýine jol bermeý úshin monıtorıngtik toptar azyq-túlik satylatyn dúkeni bar kásipkerlerge qoldanystaǵy zańnama aıasynda túsindirý jumystaryn júrgizýdi qolǵa aldy. «Dına», «Kóktem», «Saraıshyq», «Alaman», «Shyǵys» sekildi iri bazarlardyń basshylarymen memorandýmǵa qol qoıyldy. Atalǵan saýda oryndaryn jergilikti taýar óndirýshilerge jeńildikpen saýda sóreleri usynylady. Apta saıyn aýyl sharýashylyǵy jármeńkesi uıymdastyrylyp keledi. Osy kezge deıin 210 márte osyndaı jármeńke ótkizildi, -dep málim etti Rızabek Musabekov.

Eske sala ketelik, budan buryn Qazaqstanda kúzge qaraı kartop arzandaýy múmkin ekeni aıtylǵan edi.