Atyraýda órtengen úıden 60 adam evakýatsııalandy
ATYRAÝ. KAZINFORM — Atyraý polıtseıleri órtengen úıden 60 adamdy evakýatsııalady.
Atyraý oblystyq polıtsııa departamentiniń baspasóz qyzmetinen málim etkendeı, órt búgin, 20 sáýirde bolǵan.
«Patrýldik polıtsııa batalonynyń qyzmetkerleri búgin, saǵat 17:50 shamasynda Atyraý qalasynda ornalasqan kópqabatty úıdiń 4-qabatynan órt shyqqanyn baıqaǵan. Sodan soń órtengen úıden turǵyndardy jedel evakýtsııalaýǵa kiristi» dep habarlady departamenttiń baspasóz qyzmeti.
Polıtseıler 10 mınýtta kópqabatty úıden 60 adamdy qaýipsiz jerge evakýatsııalady.
Sondaı-aq, bir páterdiń esigin buzyp ashyp, 2 qarııany alyp shyqty.
Órtten eshkim zardap shekpegen.
Eske sala ketelik, budan buryn Qulsaryda qaraýsyz qalǵan úılerdi 110 polıtseı men 60 sarbaz qadaǵalap júrgenin habarlaǵan bolatynbyz.
