Atyraýda órtengen saýda ortalyǵynda órt qaýipsizdigi 2019 jyly tekserilgen

ATYRAÝ. KAZINFORM – Atyraý qalasynda «Baızar» saýda-oıyn ortalyǵyndaǵy órtke baılanysty sotqa deıingi qylmystyq is qozǵaldy. Al, saýda kesheninde órt qaýipsizdigine baılanysty tekserý 2019 jyly júrgizilgen. 

Atyraý oblystyq tótenshe jaǵdaılar departamenti memlekettik órt baqylaý basqarmasynyń bastyǵy, azamattyq qorǵaý podpolkovnıgi Baǵdat Abdýllınniń aıtýynsha, qazir QR Qylmystyq Kodeksiniń 292-babynyń 1-bólimimen sotqa deıingi tergep-tekserý bastaldy.

«Saýda keshenindegi órttiń sebebin anyqtaý úshin tıisti saraptama taǵaıyndalady. Departamenttiń anyqtaýshylary men órt-synaq zerthanasynyń mamandary qajetti zertteýdi júrgizip jatyr. Tekserýden soń órttiń tutaný sebebi anyqtalady. Ázirge boljam – elektr jelisiniń qysqa tuıyqtalýy. Bul saýda ortalyǵynda órt qaýipsizdigi erejesine baılanysty tekserý 2019 jyly tekserý júrgizildi. Sol kezde birqatar kemshilik anyqtalyp, kináli tulǵalar ákimshilik jaýapqa tartyldy», - dep habarlady Baǵdat Abdýllın.

Al, «BAIZAAR MALL» JShS-niń zańgeri Rýslan Іzbasarovtyń málimetinshe, saýda ortalyǵynan dúńgirshekter men basqa da oryndy jalǵa alýshylarǵa kásibin saqtandyrý usynylǵan. 

«Biraq bizden oryndardy jalǵa alýshylardyń bári birdeı saqtandyrylǵan ba, joq pa, ony bilmeımiz. Óıtkeni, saqtandyrýǵa tólenetin aqsha az emes. Qazir saýda ortalyǵy jumysyn ýaqytsha toqtatty. Soǵan baılanysty biz jalǵa alýshylardy jalǵa alý aqysyn tóleýden bosatyldy. Al, órt kezinde «Detskıı mır» saýda jelisiniń balalar kıimin satatyn jalǵa alýshy zardap shekti. Dál osy saýda jelisiniń qoımasynan órt shyqqan. Ázirge tilsiz jaýdyń neden tutanǵany anyqtalǵan joq», - deıdi Rýslan Іzbasarov.

Onyń deregine qaraǵanda, órttiń naqty sebebi anyqtalǵan soń saýda kesheninde jóndeý bastalady. 

Eske sala ketelik, budan buryn Atyraýda saýda ortalyǵy órtenip, 80 adam qaýipsiz aýmaqqa evakýatsııalanǵanyn