Atyraýda órtengen kólikti sóndirmek bolǵan jigittiń eki qoly kúıip qaldy
ATYRAÝ. KAZINFORM — Atyraýda órtengen kólikti sóndirmek bolǵan jigittiń eki qoly kúıip qaldy.
Atyraý oblystyq tótenshe jaǵdaılar departamenti qoǵammen baılanys tobynyń málimetinshe, órt týraly keshe, 17 maýsymla túngi saǵat 23:10–da shaqyrtý túsken.
«Atyraý qalasynyń mańyndaǵy Erkinqala aýylynda „VAZ-2115“ markaly avtokóligi órtendi. Qutqarýshylar shaqyrtý boıynsha oqıǵa ornyna jedel jetip, órtti saǵat 23:37–de oqshaýlady. Kólikti sharpyǵan jalyn saǵat 23:42 tolyqtaı sóndirildi», -dep habarlady departamenttiń qoǵammen baılanys toby.
Kólik órtin sóndirýge tótenshe jaǵdaılar departamentine qarasty № 13 órt sóndirý bóliminen 7 qutqarýshy men 1 tehnıka jumyldyryldy.
«Aıta ketetin jaǵdaı, 1993 jylǵy jigit órtti óz kúshimen sóndirýge áreket jasaǵan. Alaıda, ol qaýipsizdik erejelerin saqtamaı, eki qolynan kúıik aldy. Jedel járdem qyzmetkerleri alǵashqy dárigerlik kómek kórsetken soń ol úıine jiberildi. Osyǵan baılanysty oblys turǵyndaryna órtti óz kúshińizben sóndirýge umtylmaý qajettigin eskertemiz. Ásirese, avtokóliktegi órt kezinde baıbalamǵa salynbaı, qaýipsizdikti qatań saqtaý qajet. Eń tıimdisi — órttiń aldyn alý», -dep málim etti departamenttiń qoǵammen baılanys tobynan.
Eske sala ketelik, buǵan deıin Atyraý oblysynda sheteldik júrgizýshiniń kóligi órtenip ketkenin jazǵan edik.
