Atyraýda ortalyq kópir 10 kúnge jabyldy
ATYRAÝ.KAZINFORM - Atyraý qalasynda Abaı kóshesindegi ortasha jóndeý jumystaryna baılanysty búginnen bastap ortalyq kópir men ortalyq aınalma jol 10 kúnge jabyldy. Osy kezeńde qoǵamdyq kólik baǵyttaryna ýaqytsha ózgerister engizilgen.
Qala ákimdiginiń málimetinshe, jóndeý jumystary barysynda jol jabyny jańartylyp, kólik qozǵalysynyń qaýipsizdigin arttyrýǵa baǵyttalǵan sharalar júzege asyrylady.
Aýmaqtaǵy joldy jóndeýge 15 arnaıy tehnıka men 20-dan astam jumysshy jumyldyrylǵan.
- Jospar boıynsha atalǵan ýchaskege 2 qabat asfalt beton jabyndysy tóseledi. Jóndeý jumystary aıaqtalǵan soń kólik qozǵalysy burynǵy rejımge kóshiriledi,-dep habarlady qala bıligi.
Buǵan deıin Atyraýdaǵy tasqynnan búlingen kópirdiń qurylysy uzaqqa sozylyp ketkeni týraly jazǵan edik.
